یہ بلیقین حسین ؑ ہے۔ حفیظ جالندھری

شاه است حسین پادشاه است حسین
دین است حسین دین پناه است حسین
سر داد نداد دست در دست یزید
حقا ک ه بنائے لا الہ است حسین

معین الدین چشتی اجمیری

لباس ہے پھٹا ہوا، غبار میں اٹا ہوا
تمام جسمِ نازنیں چھدا ہوا کٹا ہوا
یہ کون ذی وقار ہے، بلا کا شہسوار ہے
کہ ہے ہزار قاتلوں کے سامنے ڈٹا ہوا
یہ بلیقین حسین ؑہے، نبیؐ کا نورِعین ہے
یہ کون حق پرست ہے، مئے رضائے مست ہے
کہ جس کے سامنے کوئی بلند ہے نہ پست ہے
اُدھر ہزار گھات ہے، مگر عجیب بات ہے
کہ ایک سےہزار کا بھی حوصلہ شکست ہے
یہ بلیقین حسین ؑہے، نبیؐ کا نورِعین ہے
حسین ؑجس کی صدا، لاالہ الااللہ
حسین ؑجس کی ثناء، لا الہ الا اللہ
حسینؑ جس کی دعا، لاالہ الا اللہ
حسین ؑہے حسینؑ ہے ، نبی ؐکا نورِ عین ہے
جو دہکتی آگ کے شعلوں پہ سویا، وہ حسینؑ
جس نے اپنے خون سے عالم کو دھویا، وہ حسینؑ
جو جواں بیٹے کی میت پر نہ رویا، وہ حسینؑ
جس نے سب کچھ کھو کے پھر بھی کچھ نہ کھویا، وہ حسینؑ
حسین ؑہے حسین ؑہے نبی ؐکا نورِ عین ہے
رسمِ عشاق ہے کہ وفا کرتے ہیں
یعنی ہر حال میں حق اپنا ادا کرتے ہیں
حوصلہ حضرت شبیرؑ کا اللہ اللہ
سر جدا ہوتا ہے اور شکرِ خدا کرتے ہیں
حسین ؑہے حسینؑ ہے، نبی ؐکا نورِ عین ہے
دلاوری میں فرد ہے، بڑا ہی خیر مرد ہے
کہ جس کے دبدبے سے رنگ دشمنوں کا زرد ہے
حبیبِ مصطفیٰ  ؐہے یہ، مجاہدِ خدا ہے یہ
جبھی تو اس کے سامنے یہ فوج گرد گرد ہے
یہ بلیقین حسین ؑہے نبی ؐکا نور، عین ہے
ایمان کی توقیر کہا جاتا ہے
قرآن کی تفسیر کہا جاتا ہے
باطل کے سامنے جو کبھی جھک نہ سکی
اس ذات کو شبیرؑ کہا جاتا ہے
حسین ؑہے حسینؑ ہے نبیؐ کا نورِ عین ہے
اُدھر سپاہِ شام ہے، ہزار انتظام ہے
اُدھر ہیں دشمنانِ دیں، اِدھر فقط اِمام ؑہے
مگر عجیب شان ہے، غضب کی آن بان ہے
کہ جس طرف اُٹھی ہے تیغ بس خدا کا نام ہے
یہ بلیقین حسینؑ ہے ، نبیؐ کا نورِ عین ہے

حفیظ جالندھری

Yeh bil yaqeen Hussain hai [Hafeez Jalandhari] from Ahlulbayt on Vimeo.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s